பாகிஸ்தானை வீழ்த்திய இலங்கை! குசல் மெண்டிஸின் அதிரடி ஆட்டத்தால் ஆறுதல் வெற்றி!
பாகிஸ்தானுக்கு எதிரான மூன்றாவதும் இறுதியுமான T20 போட்டியில் இலங்கை அணி 8 விக்கெட்டுகளால் அபார வெற்றியைப் பதிவு செய்துள்ளது.
ராவல்பிண்டியில் நடைபெற்ற இப்போட்டியில் முதலில் துடுப்பெடுத்தாடிய பாகிஸ்தான் அணி, 20 ஓவர்களில் 8 விக்கெட் இழப்புக்கு 168 ஓட்டங்களைப் பெற்றது. பாகிஸ்தான் அணித்தலைவர் சாஹிப்சாதா ஃபர்ஹான் 76 ஓட்டங்களை விளாசினார்.
169 ஓட்டங்கள் என்ற வெற்றி இலக்கைப் பதிலுக்கு நோக்கித் துடுப்பெடுத்தாடிய இலங்கை அணி, 17.1 ஓவர்களில் 2 விக்கெட்டுகளை மாத்திரம் இழந்து 172 ஓட்டங்களைப் பெற்று வெற்றியைத் தனதாக்கியது.
இலங்கை அணித்தலைவர் குசல் மெண்டிஸ் ஆட்டமிழக்காமல் 48 பந்துகளில் 87 ஓட்டங்களைக் குவித்து அணியின் வெற்றிக்கு வலுச்சேர்த்தார். கமிந்து மெண்டிஸ் ஆட்டமிழக்காமல் 40 ஓட்டங்களைப் பெற்றார். பந்துவீச்சில் தசுன் ஷானக்க 3 விக்கெட்டுகளைக் கைப்பற்றினார்.
இலங்கை அணி இறுதிப் போட்டியில் வெற்றி பெற்றபோதிலும், மூன்று போட்டிகள் கொண்ட T20 தொடரை பாகிஸ்தான் அணி 2–1 என்ற கணக்கில் கைப்பற்றியுள்ளது.
ஆட்டநாயகனாக குசல் மெண்டிஸும், தொடர் நாயகனாக சாஹிப்சாதா ஃபர்ஹானும் தெரிவுசெய்யப்பட்டனர்.
MZM. SHIMAK – EDITOR(SPORTS)