14 ஓட்டங்களால் அதிரடி வெற்றி! மேற்கிந்தியத் தீவுகளை வீழ்த்திய இந்தியா!
இந்தியா மற்றும் மேற்கிந்தியத் தீவுகள் அணிகளுக்கு இடையிலான மூன்றாவது ரி20 சர்வதேச கிரிக்கெட் போட்டியில், இந்திய அணி 14 ஓட்டங்களால் வெற்றிபெற்றுள்ளது.
இந்தூரில் நேற்று (11) நடைபெற்ற இப்போட்டியில், நாணயச் சுழற்சியில் வெற்றிபெற்ற மேற்கிந்தியத் தீவுகள் அணி முதலில் களத்தடுப்பைத் தேர்வு செய்தது.
இதற்கமைய, முதலில் துடுப்பெடுத்தாடிய இந்திய அணி 20 ஓவர்கள் நிறைவில் சகல விக்கெட்டுகளையும் இழந்து 223 ஓட்டங்களைப் பெற்றது.
இந்திய அணி சார்பில் அதிரடியாகத் துடுப்பெடுத்தாடிய அபிஷேக் சர்மா, 30 பந்துகளில் 69 ஓட்டங்களைக் குவித்தார். இதில் 6 பவுண்டரிகளும் 5 சிக்ஸர்களும் அடங்கின. இஷான் கிஷன் 18 பந்துகளில் 37 ஓட்டங்களையும், திலக் வர்மா 16 பந்துகளில் 28 ஓட்டங்களையும் பெற்றனர்.
224 ஓட்டங்கள் என்ற வெற்றி இலக்குடன் பதிலுக்குத் துடுப்பெடுத்தாடிய மேற்கிந்தியத் தீவுகள் அணி, 20 ஓவர்கள் நிறைவில் 7 விக்கெட்டுகளை இழந்து 209 ஓட்டங்களை மாத்திரமே பெற்றது.
மேற்கிந்தியத் தீவுகள் அணி சார்பில் ஷிம்ரன் ஹெட்மையர் 26 பந்துகளில் 43 ஓட்டங்களையும், கமில் பூரன் 27 பந்துகளில் 42 ஓட்டங்களையும் பெற்றனர்.
பந்துவீச்சில் இந்திய அணியின் அர்ஷ்தீப் சிங் 44 ஓட்டங்களுக்கு 3 விக்கெட்டுகளைக் கைப்பற்றி அணியின் வெற்றிக்கு முக்கிய பங்களிப்பை வழங்கினார். நமன் தீர் 2 விக்கெட்டுகளைக் கைப்பற்றினார்.
இதன்படி, இந்திய அணி 14 ஓட்டங்களால் வெற்றிபெற்று, ஐந்து போட்டிகள் கொண்ட ரி20 தொடரில் 2–1 என முன்னிலை பெற்றுள்ளது.
போட்டியின் ஆட்டநாயகனாக அர்ஷ்தீப் சிங் தெரிவுசெய்யப்பட்டார்.
MZM. SHIMAK – EDITOR(SPORTS)